Горно Лакочереј домаќин на трeтата Ѓомлезијада

Напишано од Татјана Маленкова на . Објавено во Охрид

gjomlezeТардиционално,  годинава по трет пат во селото Горно Лакочереј во манастирскиот комплекс Св. Спас се одржа манифестацијата ѓомлезијада. Годинава 20 натпревачи го приготвуваа специјалитетот, а за проба на истиот стана вистинска гужва и турканица.

Манифестацијата е во организација на општина Охрид преку секторот за туризам и локален економски развој, а подржана од GIZ RED и Југозападен плански регион. Градоначалникот на Охрид Александар Петрески презадоволен од манифестацијата и од начинот на кој таа се развива.

Aleksandar  Petreski„Со ова сакаме да ја продолжиме традицијата на традиционални македоснки јадења, да им понудиме нешто што го немаат кај нив. денеска тука имаме и холангани ќе бидат и во жири комисијата па да видиме кое ќе биде најдобро“, истакна градоначалникот Александар Петрески.

Советникот Климе Тренески кој воедно беше дел од организациониот одбор вели дека интерес за учество на манифетацијата имало премногу, но биле преморани да направат селекција на натпреварувачите.

„ Денеска имаме 20 натпреварувачи имаше многу повеќе интерес но поради ограничување со просторот ги намаливме на 20“, истакна советникот Климе Тренески.

Ѓомлезето приготвено од Златана Николоска ја воодушеви Жири комисијата. Затоа таа ја понесе титулата победник на манифестацијата „Ѓомлезијада 2011“.
gjomlezijada
Николоска доби 10 000 денери, второ наградената  Лиле Кароска  6000, а тратата награда која изнесуваше 4000 денари ја делеа Марио Настески и Емилија Мојсоска.
Годинава на ѓомлезијадата имаше и туристи од Холандија кои се воодушевуваа на македонската кујна и традиција.  
Манифестацијата започна пред три години во Велесто, минатата година се одржа во Скребатно, а домаќини годинава беа жителите на Горно Лакочереј. Тие преку Ѓомлезијата им испратија порака на туристите дека Мекедонија е гостопримлива земја и дека ввреди да се посети.  





  • Последни Вести

    Icon 08

  • Последни Вести

    Icon 09

  • Последни Вести

    Icon 09

  • Последни Вести

    Icon 09

Реклама

Промо

Реклама

Линкови