Доколку некој ви го хакира профилот на Фејсбук или направи ваш лажен профил на оваа социјална мрежа, можете да поведете постапка против сторителот, а тоа можете да го направите со приватна тужба, во согласност со Законот за граѓанска одговорност за навреда и клевета.
Надлежна институција за утврдување на ИП-адресата во Република Македонија е Министерството за внатрешни работи, односно Единицата за борба против компјутерскиот криминал.
Дирекцијата за заштита на личните податоци исто така постапува во случаите кога се бара бришење на злоупотребени профили на социјалните мрежи, односно Фејсбук, од страна на трети лица.
Во случаите на злоупотреба на личните податоци на Интернет, Дирекцијата за заштита на личните податоци поднесува барање до управата на интернет-порталот за социјално вмрежување, за отстранување на лажниот профил од истиот портал.
{loadposition content9}
