Задоволни сме од досегашните резултати, и очекуваме да бидеме уште подобри, истакна носителот на листата на ИЕ 5 за коалицијата ГРОМ, Љупчо Настоски. Тој нагласи дека повеќето од граѓаните низ Македонија а посебно охриѓани, кои ја прочитале програмата на ГРОМ, наишле на решение за проблемите со кои се соочуваме во македонското секојдневие. Под мотото „Храбри луѓе, сложна земја“, настапуваме со изборна програма која се разликува од другите политички опции во Македонија по три клучни залагања, нагласи Настоски.
„Градење капацитет на граѓанинот да се вклучи во процесот на носење, извршување и оценување на политиките. Понуда на мерливи индикатори со кои секој граѓанин може да оцени дали политиките на политичките партии на власт придонесуваат за квалитетот на неговиот живот или не. Како и мобилизирање на граѓанинот на високо поставени цели за Македонија кои не зависат само од финансиски средства , туку од неговата способност да креира, продуцира и соработува во заедништво, внатре и надвор од државата. Ве повикуваме да се вклучите во овој процес на поддршка на вродената моќ на граѓанинот да ја менува, а не да се приспособува на сегашната македонска реалност“ – вели Настоски.
{loadposition content9}
