Охриѓани добија уште едно катче каде што ќе можат да ги згрижат своите деца. Денес свечено беше отворена детска градинка во рамките на ОУ „Кочо Рацин“ каде на простор од 90 метри квадратни адаптирана е една занимална во која ќе престојуваат дечињата, кујната е преадаптирана, а санирани се и санитарните чворови. Ова е трет ваков проект реализиран во изминатите неколку месеци наменет за зголемување на капацитетите за згрижување на деца од предучилишна возраст. Градоначалникот на Охрид Никола Бакрачески истакна дека овој проект се реализира во рамките на Стратегијата на општина Охрид за обезбедување адекватни услови за ран детски развој.
На овој начин им помагаме на сите родители кои во денешниов динамичен свет немаат време сами да се грижат за своите деца па ние 
им ги доближуваме услугите на ваков вид на згрижување. Приоритет ни е вакви градинки да отвориме во приградските населби, рече Бакрачески.
На денешното отварање присуствуваше и Министерот за труд и социјала, Диме Спасов кој кажа дека на ваков начин се реализира и програмата на Владата на РМ во која ветиле дека за време од 4 год ќе отворат 40 градинки ширум државава.
Општина Охрид е пример како треба да се работи на проширување на капацитетите и градење систем на достапност на детските градинки до сите населени места во рамките на една општина, рече министерот Спасов.
Ваква градинка планирано е да се отвори во Пештани, а и на други места каде иам услови за тоа.
{loadposition content9}
