Skip to main content

Начини за продолжување на времетраењето на батеријата на лаптопот

Времетраењето на батеријата е сеуште голем проблем кај преносните компјутери

 |  инфодеск  | 

Иако лаптоповите денес се многу напредни, траењето на батеријата на многумина од нив сеуште им претставува голем проблем. Многу често се случува батеријата пребрзо да се потроши, а ако се наоѓаме некаде каде неможе да се наполни, целата приказна станува полоша.

Ви носиме неколку корисни совети на кои можете да се придржувате за да извлечете максимум од батеријата.

-Затворете ги сите непотребни програми и апликации кои работат во заднина. Спречувањето на вашиот лаптоп паралелно да извршува голем број непотребни задачи ќе го продолжи времетраењето на батеријата.

-Намалете го осветлувањето на екранот. Држењето на максимална осветленост има огромно влијание на потрошувачката на батеријата.

-Ако сакате на лаптопот да слушате музика, ќе мораме да ве разочараме. Звучниците на лаптопот воопшто не се енергетски ефикасни и се големи потрошувачи на батеријата.

-Исклучете ги Wi-Fi и Bluetooth кога не ги употребувате. Тие можеат да ја трошат батеријата дури и кога не се поврзани на мрежа или на некој уред.

-Уклучете го “Power saving mode” на вашиот лаптоп. На Windows кликнете на иконата од батеријата во долниот десен агол, а потоа кликнете на “power saver”.

-Одржувајте ја вашата батерија “здрава”. Не изложувајте ја на екстремни температури (како високи така и ниски), а полнете ја само кога е скоро празна.

{loadposition content9}