Некои од проектите на Google кои се развиваат во тајната “Х” лабораторија се поврзани со медицината и роботиката. Еден од последните проекти се поврзува токму со овие две работи, во соработка со компанијата Johnson&Johnson се развива платформа за развој на “роботи асистенти” кои би требало да им помагаат на хирурзите во изведување на операции, а во иднина операциите би можеле да ги изведуваат и самите роботи.
Бројни научници и експерти како на пример Bill Gates до сега повеќе пати предупредуваа на забрзаниот развој на роботиката и вештачката интелегенција и дека во иднина многу работни места на луѓето ќе ги завземат роботи, на пример возачи, келнери и доставувачи, а што се однесува до медицината, денес е тешко да се замисли робот во потполност да изведува операција, но би можел да биде од голема помош како асистент.
Имено, Johnson&Johnson произведува и медицинска опрема, а Google во рамките на овој договор ќе истражува нови начини каде нивниот софтвер и хардвер ќе ја подобрат оваа опрема.
“Со нашата соработка на полето на напредна хируршка роботика ќе профитираат хирурзите, пациентите и целокупниот здравствен систем”, објавиле од Johnson&Johnson по повод партнерството со Google, и додале дека заедно ќе направат платформа со која ќе се интегрира напредната технологија во операционите сали.
Користењето на напредната роботика при операциите ќе им овозможи на хирурзите подобар пристап, контрола и точност при изведување на операцијата, а ваков начин на операции ќе ги намали лузните и траумите на пациентите, додека опоравувањето по операцијата ќе биде побрзо.
{loadposition content9}
